Thursday, November 8, 2012

Шууд ардчиллын давалгаа Дарханд

Монгол Улсын Ерөнхийлөгчийн бодлого, үйл ажиллагааны мөрийн хөтөлбөрт тусгасан Хүний эрх, эрх чөлөөг хангасан иргэн төвтэй нийгмийн харилцааг бэхжүүлэх, орон нутагт эрх мэдэл олгох зорилго бүхий шууд ардчиллын эхний сургалтыг өмнө нь нийслэлд зохион байгуулж, түүнд оролцсон хүмүүст “Шууд ардчиллын сургагч-багш” гэсэн гэрчилгээ олгосон билээ. Энэхүү сургалтыг Ерөнхийлөгчийн Тамгын газар орон нутагт ИТХ, Засаг даргын Тамгын газартай хамтран арваннэгдүгээр сараас зохион байгуулж эхлээд байна.
“Шууд ардчилал–Иргэдийн оролцоотой төсвийн менежментийн үндэсний хэмжээний сургалт”-ыг Дархан-Уул аймагт Монгол Улсын Ерөнхийлөгчийн Тамгын газрын дарга П.Цагаан удирдан зохион байгууллаа. Энэ үеэр иргэд өөрсдөө төр засгийн болон нутгийн удирдлагын шийдвэр гаргах үйл ажиллагаанд хэрхэн шууд оролцох талаар ярив.
Шууд ардчилал хөтөлбөрийг хоёр үе шаттайгаар наймаас 10 жилийн хугацаанд хэрэгжүүлэх юм байна. Иргэд дөрвөн жилд ганц удаа сонгуульд оролцож төлөөллөө сонгоод л төр засгийн үйл ажиллагаанд түүгээрээ дамжуулж оролцож байгаа хэмээн ойлгодог. Тэгвэл төр, засгийн үйл ажиллагаанд тасралтгүй оролцох боломж “Шууд ардчилал”-ын зарчмыг хэрэгжүүлснээр бүрдэнэ. 2013 оноос Монгол Улсын нэгдсэн төсөв, мөнгөний бодлогыг шинэ хуулийн дагуу хэрэгжүүлэх эрх зүйн орчин бүрдэнэ. Өмнө нь төсвийн наймхан хувь л Монголын 2,7 сая иргэнд хамаатай байсан бол хууль, эрх зүйн шинэ орчин бүрдсэнээр төсвийн хөрөнгийн 30-40 хувь нь тэдний мэдэлдшилжиж байна гэж Ерөнхийлөгчийн Тамгын газрын ярилаа. Ирэх жилээс Орон нутгийн хөгжлийн санг байгуулна. Түүнийг захиран зарцуулах, тайлагнах үлгэрчилсэн журам тус Тамгын газар боловсруулжээ.

Сургалтын үеэр лектор Б.Баттүвшин мөнхийн хөдөлгөөнд оршдог ардчилал дараагийн шинэ шатандаа дэвшиж байгааг танилцуулсан бол лектор Д.Цогтсугар монголчууд амьдралын дайсан болсон архи, тамхинаас татгалзаж, элдэв мухар сүсэгт авталгүй эрүүл саруулаар сэтгэн ардчиллаа гүнзгийрүүлэх ёстой хэмээн ярьж байв. Мөн Дархан хотод бага насаа өнгөрөөн дэлхийд данстай тамирчин болох гараагаа эхэлсэн Монгол Улсын Хөдөлмөрийн баатар, гавьяат тамирчин Х.Цагаанбаатар дарханчууд спиртээс татгалзан спортыг сонгож эрүүл чийрэг иргэд болох ёстойг, байгаль дэлхийгээ хамгаалахыг уриаллаа.
Монгол Улсын Ерөнхийлөгчийн Хэвлэлийн төлөөлөгч С.Эрдэнэболд энэ онд тэмдэглэж буй эзэн Чингис хааны мэндэлсний 850 жилийн ойтой холбоотой сэдвийг хөндөв. Хагас зуун жилийн өмнө Чингис хааны 800 жилийн ойг тэмдэглэх гэснээс болж төр, засгийн удирдах ажилтнууд ажлаасаа хөөгдөж цөлөгдөж, хэлмэгдэж байсан бол өнөөдөр Монгол Улсын Ерөнхийлөгчийн зарлигаар 850 жилийн ойг тэмдэглэдэг болтлоо ардчилал хөгжөөд буйг тэрээр хэлсэн юм. Ардчилалд эмэгтэйчүүдийн оролцоо их байгааг мөн онцоллоо. Чингис хааны үеэс монгол эмэгтэйчүүд төрийн хэрэгт оролцож байсан, дэлхийн анхны дипломатч эмэгтэй Монголынх байсан, Монгол Улсын Ерөнхийлөгч саяхан эмэгтэйчүүдийн улс төрийн оролцоог нэмэгдүүлэх уриалгыг НҮБ-д дэвшүүлсэн зэргийг энэ үеэр дарханчуудад сонирхуулав.

No comments:

Post a Comment

Ангилал

10.20 2012.09.08 2012.09.15 2013 2013.02.25 2014 Citizen Participation Deliberative Dеmосгасу Deliberative роlling discussion e-government facilitator FOCE Good Neighbors IRI James S. Fishkin KAS Legatum Prosperity Index news OHXC plebiscitis referendum SDC sound Status neutrality Switzerland V www.khural.mn А.Саруул Баг Багануур дүүрэг Багахангай дүүрэг баримт бичиг Бат-Очир БАТТҮВШИН Батлутын ӨЛЗИЙСАЙХАН Баянгол дүүрэг Баянзүрх дүүрэг Бүх нийтийн санал асуулга Бямбадоржийн ЧИЛГЭР видео Газар шинэчлэн зохион байгуулах гарын авлага Д.Баттулга Дархан-Уул аймаг Дэлхийн Хот Улаанбаатар Ерөнхийлөгч Ерөнхийлөгчийн Тамгын газар Жишиг хороолол захирамж Зөвлөлгөөн Зөвлөлдөх Ардчилал Зураглал Зууны мэдээ илтгэл ИНХ ИНХ-ын үлгэрчилсэн дүрэм Иргэдийн оролцоо Иргэдийн оролцоотой төсвийн менежмент Иргэдийн оролцоотой төсвийн менежментийн үндэсний хэмжээний сургалт Иргэдийн сайн дурын бүлэг Иргэдийн санаачлагаар санал хураалт явуулах үлгэрчилсэн дүрэм Иргэдийн хурлын төлөөлөгчид Иргэн Ламжав Иргэний танхим Либерал хаус Манай хороо-Миний оролцоо Манай хороо-Хоггүй орчин Монголын Ардчилсан хувьсгалын 25 жил Мэдээлэл Налайх дүүрэг Нийтийн зар мэдээний тогтолцоо Нийтийн зар мэдээний тухай хууль Нийтийн зар мэдээний хууль Нийтийн санал хураалтын хууль НИТХ Ном Нутгийн удирдлагын түвшинд иргэдийн оролцоог дэмжих нь Орон нутгийн хөгжлийн нэгдсэн сан Орхон аймаг Өглөөний цай Санал асуулга Сонгинохайрхан дүүрэг Судалгаа Сургалт Сүхбаатар дүүрэг ТББ Тогтоол Төв аймгийн Зуунмод сум төсвийн хэлэлцүүлэг төслийн хэлэлцүүлэг Төсөв Төсөл Удирдамж Улаанбаатарын дүрэм Уралдаан Урилга Урлаг Урлаг Хөгжлийн Төлөө УТБА үзэл баримтлал үлгэрчилсэн дүрэм - журам Хан-Уул дүүрэг ХАРХҮҮ Доноров Ховд аймгийн Иргэдийн Хурал Хог хаягдал Хороо хорооны иргэдийн нийтийн хурлын журам хорооны иргэдийн нийтийн хурлын үлгэрчилсэн журам Хорооны иргэний танхимын үлгэрчилсэн дүрэм Хорооны үлгэрчилсэн дүрэм Хотын гудамж Хотын гудамж - Миний нутаг Хөрөг хуулийн төсөл Хүн ам Хэлэлцүүлэг Хэнтий аймаг Цагийн Хүрд Хөтөлбөр Ч.Сосормаа Чингэлтэй дүүрэг Швейцарийн хөгжлийн агентлаг Шилэн данс Шилэн дансны тухай хууль Шууд ардчилал Шууд ардчилал - Иргэдийн оролцоо Шууд ардчилал хүрээлэн Эрүүл аюулгүй байдлын индекс ярилцлага