Монгол Улсын ерөнхийлөгчийн сонгууль

Санал авах өдөр бүх нийтээр амрах бөгөөд энэ өдөр Монгол Улсын нутаг дэвсгэрт согтууруулах ундаагаар үйлчлэх, худалдах, соёл урлаг, үзвэр, спортын аливаа арга хэмжээ зохион байгуулах, гадаа болон битүү талбайд үйл ажиллагаа явуулдаг худалдаа, үйлчилгээний төв ажиллахыг хориглоно. Энэ өдөр ажиллаж байгаа сонгогчид тухайн байгууллагын захиргаа чөлөө олгож, санал өгөх боломжоор хангах үүрэгтэй.

ГАДААД УЛСАД БАЙГАА ИРГЭДИЙН САНАЛ АВАХ АЖИЛЛАГАА

Монгол Улсын дипломат төлөөлөгчийн газар байрладаг гадаад улсад амьдарч, ажиллаж байгаа сонгуулийн эрх бүхий иргэдээс санал авах ажлыг 2013 оны 6 дугаар сарын 14, 15, 16-ны өдрүүдэд зохион байгуулна. Гадаад улсад байгаа сонгогчийн саналыг авахдаа тухайн сонгогчийн Монгол Улсын иргэний үнэмлэх, эсхүл үндэсний гадаад паспортыг сонгогчдын нэрийн жагсаалттай тулган үзэж, сонгогч бүрд саналын хуудсыг дугтуйн хамт олгоно. Сонгогч саналын хуудасны зааварт заасны дагуу өөрийн сонгохыг хүссэн зөвхөн 1 нэр дэвшигчийн нэрийн өмнөх улаан хүрээтэй зууван дугуйг дүүргэн будаж саналаа тэмдэглэн саналын хуудсаа дугтуйнд хийж битүүмжлэн саналын хайрцагт хийнэ.

СОНГУУЛИЙН СУРТАЛЧИЛГАА

Нэр дэвшигч нь сонгуулийн сурталчилгаагаа нэр дэвшигчийн үнэмлэх авсан өдрөөс буюу 2013.5.22 - ны өдрөөс эхлэн явуулж санал авах өдрөөс 24 цагийн өмнө буюу 2013.6.25-ны өдрийн 00:00 цагаас өмнө зогсооно.

СОНГОГЧ САНАЛ ТЭМДЭГЛЭХ:

СОНГОГЧ ТАНЫГ САНАЛАА ӨГӨХИЙГ УРЬЖ БАЙНА. СОНГУУЛИЙН ЕРӨНХИЙ ХОРОО

www.gec.gov.mn Сонгогчийн утас 1299