 |
| Dr.Auer |
“Монгол Улсад шууд ардчиллыг хэрэгжүүлэх зоримог хүсэл
эрмэлзэл байгаа бөгөөд энэ нь засгийн газрын болон нийслэлийн мөрийн
хөтөлбөрт илэрхий тусгагдсан нь харагдаж байна. Түүнчлэн иргэний
нийгмийнхний тууштай зүтгэл хийгээд бусад улс орны туршлагаас суралцахад
бэлэн байгаа нь ч мөн харагдаж байна,” хэмээн Швейцарийн Ардчиллын
судалгааны төвийн Захирлуудын зөвлөлийн дарга, доктор, профессор Андреас
Ауэр энэ сарын 8-нд Улаанбаатар хотноо зохион байгуулагдсан “Шууд
ардчилал: Иргэдийн оролцоотой төсвийн менежмент” үндэсний сургалтын үеэр
хэлсэн үгэндээ онцлон тэмдэглэлээ.
Профессор
А.Ауэр Ерөнхийлөгчийн тамгын газрын урилгаар есдүгээр сарын 2-10-ны
өдрүүдэд манай улсад айлчиллаа. Тэрээр уг сургалтын үеэр Швейцарийн шууд
ардчиллын туршлага болон Монгол дахь ардчиллын өнөөгийн байдал хийгээд
шууд ардчиллыг хөгжүүлэх хүчин зүтгэлийн талаар өөрийн ажиглалт
дүгнэлтийг хуваалцсан юм.
“Ерөнхийлөгч Ц.Элбэгдорж 2011 оны нэгдүгээр сард
манай улсад айлчлах үеэрээ Швейцарийн шууд ардчиллын туршлагыг ихээхэн
сонирхож буйгаа илэрхийлсэн юм. Бид тэр үед энэ талаар санал солилцож,
ярилцсан бөгөөд үүний дагуу Монгол Улсад би шууд ардчиллыг хөгжүүлэх
талаар хийсэн ахиц дэвшлийг сонирхохоор ирээд байна” хэмээн профессор
А.Ауэр Монголын Үндэсний олон нийтийн телевизд өгсөн ярилцлагадаа
өгүүлсэн байна.
Шууд ардчиллын талаар олон улсад хүлээн зөвшөөрөгдсөн нэр хүндтэй мэргэжилтний хувьд тэрбээр Монгол улсад шууд ардчиллыг хөгжүүлэх, төвлөрлийг сааруулах шинэчлэлийн явцад өндөр түвшний зөвлөгөө өгөх зорилготой юм. Айлчлалынхаа үеэр профессор А.Ауэр Монгол Улсын их сургуулийн оюутнуудад “Ардчиллын үндсэн ухагдахуун” сэдвээр, мөн Нийслэлийн иргэдийн төлөөлөгчдөд “Шууд ардчиллын үндсэн хэрэгслүүд” сэдвээр тус тус илтгэл тавьсан байна.
Тэрээр мөн Ерөнхийлөгчийн зөвлөх, Нийслэлийн иргэдийн төлөөлөгчдийн хурлын дарга болон түүний багийнхан, Шууд ардчиллын хүрээлэнгийн мэргэжилтнүүд, Үндэсний удирдлагын академийн судлаач эрдэмтэд, иргэний нийгмийн байгууллагынхан зэрэг төр нийгмийн олон төлөөлөгчидтэй уулзаж ярилцжээ. Түүнчлэн Дархан-Уул аймагт зочлон Иргэдийн төлөөлөгчдийн хурлын тэргүүн болон энгийн ард иргэдтэй уулзан орон нутаг дахь ардчиллын үйл явцтай газар дээр нь танилцсан байна.
Айлчлалынхаа төгсгөлд профессор А.Ауэр Монгол Улсын Ерөнхийлөгч Ц.Элбэгдоржтой мөн уулзаж ярилцсан байна.
Мэдээллийн эх сурвалж : Монголчууд Швейцарийн шууд ардчиллын туршлагаас суралцахаар эрмэлзэж байна
Шууд ардчиллын талаар олон улсад хүлээн зөвшөөрөгдсөн нэр хүндтэй мэргэжилтний хувьд тэрбээр Монгол улсад шууд ардчиллыг хөгжүүлэх, төвлөрлийг сааруулах шинэчлэлийн явцад өндөр түвшний зөвлөгөө өгөх зорилготой юм. Айлчлалынхаа үеэр профессор А.Ауэр Монгол Улсын их сургуулийн оюутнуудад “Ардчиллын үндсэн ухагдахуун” сэдвээр, мөн Нийслэлийн иргэдийн төлөөлөгчдөд “Шууд ардчиллын үндсэн хэрэгслүүд” сэдвээр тус тус илтгэл тавьсан байна.
Тэрээр мөн Ерөнхийлөгчийн зөвлөх, Нийслэлийн иргэдийн төлөөлөгчдийн хурлын дарга болон түүний багийнхан, Шууд ардчиллын хүрээлэнгийн мэргэжилтнүүд, Үндэсний удирдлагын академийн судлаач эрдэмтэд, иргэний нийгмийн байгууллагынхан зэрэг төр нийгмийн олон төлөөлөгчидтэй уулзаж ярилцжээ. Түүнчлэн Дархан-Уул аймагт зочлон Иргэдийн төлөөлөгчдийн хурлын тэргүүн болон энгийн ард иргэдтэй уулзан орон нутаг дахь ардчиллын үйл явцтай газар дээр нь танилцсан байна.
Айлчлалынхаа төгсгөлд профессор А.Ауэр Монгол Улсын Ерөнхийлөгч Ц.Элбэгдоржтой мөн уулзаж ярилцсан байна.
Мэдээллийн эх сурвалж : Монголчууд Швейцарийн шууд ардчиллын туршлагаас суралцахаар эрмэлзэж байна
No comments:
Post a Comment