Дүүрэг, хороодын иргэний оролцооны мэргэжилтэн, Иргэний танхимын ажилтнууд оролцов.
Орон нутгийн хөгжлийн сангийн хөрөнгө гэхэд дуулаагүй, мэдэхгүй гэх иргэд байхгүй болсныг саяханы нийслэл даяар явуулсан мониторинг судалгааны дүнгээс харагдаж байна. Харин та хороо дүүргийнхээ ОНХС-гийн хөрөнгийг хуваарьлах төлөвлөх ажилд оролцсон уу? гээд асуухад тун тааруухан дүн гарч байна. Учир нь иргэд бидэнд мэдээлэл ирдэггүй тиймээс энэ төлөвлөх үйл ажллагаанд оролцож чадахгүй хоцордог гэж хариулж байгаа нь нийт судалгаанд оролцогч 14,709 иргэдийн %-нь хариулж байх юм.Нийслэл маань нийтдээ ийм бүрхэг юм уу гэтэл бас үгүй байна.Хорооны судалгаанд хамрагдсан иргэдийн 67,9 гаруй хувь нь оролцдог гэсэн Сүхбаатар дүүргийн 15-р хороо, Чингэлтэйн 1-р хороо 61,11, Сонгинохайраны 22-р хороо 53,66, 26-р хороо 50,78 хувьтай,Сүхбаатарын 9-р хороо 47,71 гэсэн хувьтай байгаа нь бас ч үгүй өндөр үзүүлэлт юм. Эдгээр таван хороодыг судалгаа явуулсан манай байгууллага Топ-5 хэмээн нэрлэж эдгээр хороодын удирдлага, ажилтан, хэсгийн ахлагч нарын 30 орчим хүнийг урин 2014 оны 5-р сарын 2-нд Нийслэлийн Иргэний Танхимд уулзалт зохион байгууллаа.
Эхний тав дотор багтаж байгаа хороод нь дан байшин хороолол байдаг Чингэлтэйн 1-р хорооноос гадна алслагдсан эмзэг гэгдэх иргэдтэй томоохон нутаг дэвсгэртэй нийслэлийн хогийн цэг байдаг 22-р хороо, мөн 26-р хороо байгаа нь судалгаа хийсэн бидний сонирхлыг ихээр татсан билээ. Хороодын удирдлага, хэсгийн ахлагч нарын ажлаа явуулдаг арга барилыг сонсож байхад өрх бүрт, иргэн бүрд хүрч ажиллах мэдээлэл өгөх зорилогтой ажил үйлээ явуулдаг нь шууд ажиглагдаж байлаа. Гэв ч хичнээн их хүч чармайлт гаргалаа ч тэр болгонд хүрч ажиллах боломжгүй гэж хэлж байгаагаас мөн судалгааны ерөнхий дүнгээс хархад өнөөгийн хороод маань одооны ажиллаж байгаа хорооны хүчин чадлаас хэд дахин давсан нүсэр байна гэдэг нь хэнд ч ойлгомжтой. Иймээс монгол улсын нийт хүн амын тал хувь нь оршин байдаг нийслэлд иргэд, ард, олондоо хамгийн ойр дотно ажилладаг төрийн байгууллага болох хорооны бүтэц зохион байгуулалтыг бэхжүүлж тэр тусмаа хэсгийн ахлагчын хагас орон тоог цалин эрх мэдэл, тооны хувьд нэмэгдүүлж, нэн даруй ОНХС-ын хөрөнгийн нэлээдгүй хувийг иргэдэд мэдээ мэдээлэл өгөхөд зарцуулж, улмаар хороог төсөвтэй болгож нийслэлийн хэмжээнд хорооны тоог нэмэгдүүлэх нь иргэдийн оролцоог сайжруулах гол үндсэн бодлогын чанартай арга хэмжээ болно гэдэг дээр Топ 5-ын уулзалтанд оролцсон хороодын удирдлага ажилтан нарын санаа бодол нэгдэж уулзалт өндөрлөлөө.
No comments:
Post a Comment