Сонгинохайрхан дүүргийн Иргэний танхимын нээлтийн ёслол

Өөрийн юмыг өөднө татна гэв.

Сонгинохайрхан дүүргийн 29-р хороо хаана оршин байдгийг нийслэлчүүд тэр болгон мэдэхгүй байх. Харин Москва хороолол гэвэл тэнд гэж хэлэх нь олон биз. Дан байшин хороолол. 2014 оны 5-р сарын 28 нд тус хорооны иргэд Иргэний танхимтай боллоо. Энэ танхим нь нийслэлийн 57 дахь иргэний танхим боллоо гэж нээлтийн ажил дээр Нийслэлийн ИТХ-ын ажлын албаны иргэний оролцооны хэлтсийн ажилтан Д.Хархүү тэмдэглэн хэллээ. Тэрээр Иргэний танхимтай байхын гол утга учир нь хорооны иргэдийн хоорондын харилцаа сайжрах, бие биеэ ойлгох хүндлэх, үл ялгаврлах, мэдээ мэдээлэл солилцох, улмаар иргэд гэгээрч боловсрох, өөрсдийн амьдран байгаа хороондоо жинхэн эзэд нь байх, улс орны хөгжил дэвшилд иргэн хүний хувь нэмэр хүрч тусч түүнийхээ үр ашигыг хүртэж мэдэрч байх, Монгол улсын үндсэн хуулийн гол зорилгоо болгон тунхагласан Хүмүүнлэг иргэний ардчилсан нийгэмийг цогцлоон байгуулахад хамгийн анхны энгийн бөгөөд чухал арга хэмжээ байгаад байгаа юм гэж хэлээд хорооны иргэд нас хүйс,ажил мэрэгжилээрээ, сонирхолоороо хэсэг бүлэг болцгоон иргэний танхимаа байнгын ажиллагаатай байлгах талаар зөвөлгөөн өглөө.

Тус хорооны ИНХ-ын дарга Ө.Эрдэнэбат: Манай хорооны иргэд хороондоо тулгарсан аливаа асуудлыг хэлэлцэж шийдвэр гаргахад чухал ач холбогдолтой иргэд та бидний мэдлийн танхимтай болсондоо баяртай байна гээд хорооны амьдралд асуудал мундахгүй байна. Саяхан гэхэд л Даргон цогцолбор барьж байгаа нөхдүүд хорооны иргэдээс асуулгүйгээр газраа сунгасан байна. Энэ талаар иргэд бид энэ танхимдаа л хэлэлцэж шийдвэр гаргана. Бидний ажил амьдрал Иргэний танхимтай салшгүй холбоотой боллоо, танхимдаа өөрийн Авдио комбайныг хандивлая гэлээ.

Засаг дарга Ж.Болорсүрэн: Иргэд та нарын энэ танхимд хэлэлцэж гаргасан шийдвэр бүрийг биелүүлэхэд хорооны засаг даргын хувьд хэзээд бэлэн байгаа. Иргэдтэйгээ байнга хамтарч ажиллана. Иргэний танхимтай болсондоо их баяртай байгаа гээд иргэддээ амжилт хүслээ. Хорооны иргэн Содномдорж: Хорооны иргэд бид иргэний танхимтай болсондоо мэдээж баяртай байна. Хамгийн гол нь энэ танхимыг ажиллуулах дүрэм, журам хэрэгтэй. Ямар ч байсан тэр дээрээ тулвал бид өөрсдөө чадах байх. Өөрийн юмыг өөднө татаж болноо гэлээ. Танхимын нээлтэнд Сонгинохайрхан дүүргийн ИТХ-ын ажлын албаныхан иргэний танхимын ажилтангууд оролцсон юм.