Баянзүрх дүүргийн 8,16-р хороо

Нийслэлийн Баянзүрх дүүргийн 8, 16-р хорооны нутаг дэвсгэрт Улаанхуарангаас   16-р хорооллын зүүн Батлан хамгаалахын Их сургуулийн урдуур, газарчингээр эргэж Шар хадын  зам, доош Эрдэнэтолгойн шинэ замаар уруудаад Цагдаагийн академийн уулзвараас зүүн чиглэлийн төв замаар 68-р сургуулийн дэргэдүүр ирдэг далан-гаар хязгаарласан талбайд дахин төлөвлөлт хийн орчин үеийн  сайхан хороолол  барихаар төлөвлөгдсөн байна. Энэ төлөвлөгөөг хэрэгжүүлхэд дээр заасан төлөвлөгдсөн бүсэд  аж ахуй эрхэлдэг болон оршин сууж байгаа иргэдийн санал, оролцоо дэмжлэг нэн чухал байгаа тул нийслэлийн удирдлагууд холбогдох мэргэжлийн байгууллагууд та бүхэнтэй уулзан санал бодлыг тань сонсож  ярилцахаар 1-р сарын 27-ны Ням гарагийн 13 цагт  68-р сургуулийн зааланд ирэхийг урьж байна.

   Та энэ уулзалтанд оролцож өөрийнхөө байр суурь санал бодол, ашиг сонирхолоо илэрхийлэн ойлголцсон байх нь цаашдаа гарах ямарваа зөрчил хүндрэлийг урьдчилан шийдвэрлэж хөрөнгө,цаг хугацааг оновчтой төлөвлөх  ач холбогдолтойгоос гадна, таны асуудлыг шийдхэд иргэн та заавал оролцож өөрийнхөө төлөө саналаа хэлж,бусдын төлөө санаагаа илэрхийлэх иргэн та  нийгмийн гишүүнийхээ хариуцлагыг хэрэгжүүлэх чухал алхам юм.

 Та бүхнийг тогтсон цагт ирж идэвхийлэн оролцохыг урьж байна.

Зохион байгуулагч Д Хархүү